База на знаења

Правењето backup на вашата веб страна е едноставен процес. Се што треба да направите е да ги следите долунаведените чекори. Со ова упатство ќе бидат снимени вашите фајлови, дата бази, емаил фајлови и други информации во backup фајлот.

Прв Чекор:
Прво што треба да направите е да се логирате во контролниот панел cPanel (http://www.imenavasiotdomen/cpanel

Втор Чекор:
Кликнете на "backups" линкот/иконата во вториот ред од насловната страна на cPanel.

Трет Чекор:
Кога ќе пристапите до линкот за backups кликнете на "Generate/Download a Full Backup".

Четврт Чекор:
На оваа страна ќе треба да подесите неколку информации за backup-от да биде успешно креиран. Најдобрата опција е да изберете за дестинација: "Home Directory" со што Backup фајлот ќе биде сместен во вашиот root директориум, надвор од public_html директориумот со што ќе биде обезбеден од нелегално превземање на backup фајлот преку веб URL.

 

Внесете ја емаил адресата каде што сакате да ги добиете информациите кога истиот ќе заврши заедно со другите информации, како што се големината на backup фајлот, што точно било спакувано и слични детали од backup-от.

 

Кога ќе добиете потврда преку емаил дека backup-от е завршен успешно, може да пристапите преку FTP до вашиот акаунт за да си го превземете backup фајлот на вашиот компјутер (Max Hosting секогаш препорачува да си имате локален backup од податоците на вашиот персонален компјутер).